SENTIMENTI

Muzgu me zu rob ne mjergullen e tij

dhe nanurisjen e zefirit me dergon per ngushellim.

Nje shkelqim i rreme reket te mi marre mendte

ndersa zemra dergjet ne rrjeten e dyshimit

asgje nuk vjen...

asgje nuk iken...

Rruge te shkreta, lakuriqsi pemesh...

I harruar ne plogeshtine e muzgut,

levozhgen e heshtjes shpoj me thupren e mallit...

I shtrire gjere e gjate ne preherin e vetmise

Mbeshtes koken mbi duart magjike te Zotit

dhe me freskine e ujrave,melodite e qiellit,

numuroj castet e mija te blerta,

petale margaritash te endrres se mbetur peng...

Shtroj mirazhet e mija te kaltra...

rruges se zefirit atje tej ku pervelohen ndjenjat.

Prehem

i humbur ne trupin lakuriq te nje dashurie

Perkedhelem

nga rreke te fresketa kujtimesh te embla.

Buzeqesh

me shpresen mergimtare te muzgut

qe kaleron e shujdesur mbi parabolen e  ylberit...

DIELL,FRESKI,JETE...

Lodrojne ujrat

ne fjordet e erreta

dhe me puthje-peshperimat

lajmerojne mengjezin

qe i pergjumur feks horizontit...

Pulbardhat e para

me klithma,me flatra

e debojne mjergullen

larg ,pertej sinoreve te drites...

Zgjim i kalter,

ne zemren e burimit te dites

Diellit...

Shiroka nderet pelhure ne det

si perkedhelje flokesh

ne nje prehje prej enderre

Freskie...

Vala ne drite rilind syte

ku jeta vozit drejt thirrjes se
Jetes...

ZERI IM...

Perpiqem te dalloj zerin tim

midis zerave shumngjyresh

te universit....

Kerkoj

te gjej ngjyrimin e tij

prapa reflekseve te heshtura diellore...

Prek

me gishtat qe dridhen

vijen e lakuar te buzeve

dhe zbuloj ne te

fjalet e pa thena akoma...

Si gure te vegjel ,te medhenj

te bardhe, te palatuar....

te lara ne driten e diellit,

te vertete...!

PEIZAZH

Nje reme e bardhe ne drite,

Nje trendafil i ndezur ne erresire,

Dhe midis tyre e puthura nanurutes e juges

ne oren shplodhese te muzgut dritherues...

************

Heshtja e varur nga leshrat e mengjezit

ndrin si vel' e ergjente

mbi syprinen vdekur te detit...

Hapat saj shkelin me druajtje kaltresine...

ku pasqyrohet mirazhi lakuriq i vajzes

qe me te qeshuren e saj thyen

levozhgen e bardhe te dites...

REFLEKSIONE

Mos u tremb!
Ndalu pak me afer heshtjes...
perbri nates lavire te pa krehur
qe trupin epshor enderron lakuriq...
Ketu ka horizonte te pafundme
me kuqelim shpresash,enderrash,deshirash
dhe nje ore fatale te ckurdisur
qe ja djeg jetes pa meshire
minuten e fundit te fatit..
Mos u tremb!
Ndalu pak me afer heshtjes...
Perbri akrepave te ngelur ne  mesnate...
Merzitu po te duash...
Bertit...
Deshperohu mbrekullisht...
Mendo e qete;
"-Keshtu qenka e shkruar te punoje koha jote...
si renkim oresh  te mbrapshta ne bosh-in e stepur te neteve..."
Dhe  eja  pastaj te te ngushelloj me nje perqafim...
tete flas per mjellmat,per vjeshten
dhe shirat e dashurive te mija...
Mos u tremb!
Ndalu pak me afer heshtjes
Perbri portes se pasme te qiellit ,ne te majte...
Pas pak dote jemi atje lart tek yjet
dhe ti dote qash e mallengjyer...
Dote qash me nje pergjerim ne buze
qe te te puth...te te puth ...e te te puth...
Dote qash me nje denese hene
qe te meken yjet e te shashtisen rete
dhe e dehur ,e  ekzaltuar, e  paturp...
ne gushe dote me kafshosh me afsh pervelues..
ne dy psheretima dhe nje ofshame kenaqesie....
Ti...
E bukur...
E marre...
Xheloze-hij e shpirtit tim...
Ti qe as vete Zoti nuk te njeh me mire se puthjet dhe lotet...
ndalu pak me afer meje...
Mos u tremb!

MESNATE

Mesnate....

Rruget,oret,pemet,te gjitha

tregojne mesnate.

Heshtje...

Gishtat,syte,mendimet,te gjitha

tergojne heshtje...

Nga dritarja e hapur e gjumit,

nje dore e padukshme endrre

i terheq drejt vetmise se bashkuar te yjeve....

Ku heshtja behet pafajsi qiellore

dhe shpitri drite e arte  henore....

ROMA DI NOTTE

Roma naten shtate kodra dhe shtate qiej
Me zotat te qeshur dhe engjejt te lumtur...  
Roma naten- zefir i lehte nanurites                                                   
kembanave biblike te Santa Maria di Tevere...
Roma naten nje yll qe ndrin basilikes antike
neper rrugen  e lashte per tek Porta Portese ...
Roma naten-diademee henes mbi ballin e thinjur te Colosseut
kur statujat ndajne me njera-tjetren  bardhesine e heshtjes...
Roma naten nje lum i pergjumur ne shtratin e  thelle
Ku struken  mitet e  ulkonjes se Teverit...
Roma naten aventure e kendeshme flertesh romantike
tek caffe"Greco"shkalleve me lule ne Piazza di Spagna...
Roma naten passion i flaket dashurish pa fund
ciftesh te lumtur bekuar nga sterkalat e Fontana di Trevi...
Roma naten  spektakel dramash,intrigash ,orgjish ...
salloneve mondane te Villa Borghese..
Roma naten ritual solemn i meshes katolike..
Ave-Maria nen kupolen Sikstina ne San Pietro...
Roma di notte un'faro di luce....
Roma di notte imperio di gloria...
Roma di notte cita'eterna!!

KALTERSI

Si bistake rrushi te pjekur qe shpirti lakmon
mbushur me eren,aromen dhe mushtin e beharit
neper pisha ,neper zall, neper vale...
Rend nje dashuri e bardhe...
vjen nje dashuri e kalter...
E sapodale nga guacka me freskine ne buze
zhveshur lakuriq si oret e gushtit
qe ne gishtat e brishte  e mbajne
te ndricme...
te virgjer...
te lire..
si drita
ne gjinjte e kolme te endrrave..
Dashnore floke-kalter...
Puthje bjonde e val'detit...

MBRESE

Naten e drojtur
moren ne preher
nje spekter kujtimesh...
Gri...
Blu...
Portikalli....
Dhe krahet e saj te hapura
u mbushen gjume...
Floket e shprishur
Ere...
Syte e shkruar..
Heshtje...

SINQERITET

Gjinjte e kolme ,te beshem,

dy kodrina te bardha,

lakuriq si e verteta

Virgjerojne ne buzembremje me epsh,'

pritjen e vetmuar

nen panselinon e mistershme

te nostalgjise sime...

PASIGURI...

1

Rri ketu dhe rri

Bie shi dhe s'bie

Si hij' e mengjezit

Qe nuk esht' me hije

2

Rri ketu dhe s'rri

Veson pa vesuar

Perballe zemra ime

Lotesh ngushelluar

3

Pak me tej shlodhet

Dashuria ime

Lodhur neper nete

neper meditime

4

Ah si te bej s'di

Kur ti me mungon

Sa here zbraztesia

Vjen e me pushton

5

Lajme nga ty s'kam

Nje foto e ngrire

Sheh sikur ke ardhur

Qesh si lamtumire

6

Vjen ketu dhe s'vjen

Si shi qe nuk bie

Humbet neper nete

Tretesh ne dritehije

7

Drithije qe mekesh

skutave ne terr

pritjen qe rri nderur

vetmia e zbeh

8

Vetmi qiparisash

vetetimash vrare

tingellim kembane

nje lutje,nje varr..

9

Varr i mermerte

Virgjeri e dhimbje

Hij' e trupit tim

kthyer ne fanitje

10

Fanitje tulatur

qe shpresen pergjon

viseve qiellore

ku ti vdekeron

11

Vdekeron stolisur

me nje dashuri

Mbi nje mall te kalter

nen nje re me shi...

12

Shi qe s'thot te bjere

ankth i pambarim

Dashuri e tretur

oreve -pikellim...

13

Rri ketu dhe rri

Bie shi dhe s'bie

tek ky breg i kalter

valesh nostalgjie...

14

Nostalgji e lagesht

shirave me lote

Qe flasin per enderrat

per shpresen e kote

15

Shpresa qe u mbyt

gotash me merzi

shirave te shpirtit

ankth- pasiguri...

MERZI..

Pas pak cuditerisht u qerua

qielli nga rete...

dhe vendin e tyre

merzia ime e vjeter e zuri...

Per nje cast

floket e mij,

profilin tim,

mendimet e mija...

i perkedheli melancolia

ajo dore e pabindur fati...

qe ligsht me lidhi ne nje kob trishtimi...

PERSIATJE

Dashuria...

Dy te puthura dhe nje pritje...

Det i pafundem dhe oshtime e dallgeve...

Dashuria...

Dy psheretima dhe nje ishull malli...

Pulbardhat e bregut dhe marinari i balladave...

qe ne maje te direkut valevit

nje kenge...

Dashuria

Kenga e saj dhe shpresa

qe udheton horizonteve...

me zerin e nostalgjise se saj

mbi shkembin e thepisur neteve,

vetmitare pret nje varke...

Dashuria...

varka e saj dhe shkujdesja e juges

qe shprish gershetin e shpreses,

mbi kreshten e bardhe te dallgeve

si far ndricon kthimin e shumpritur...

Dashuria..

Dy te puthura dhe nje perqafim

qe i flasin zemres me llahtaren e kthimit......

NETE TE BARDHA

Enderra dhe vegime erdhen

ne ditlindejen e jasemineve...

Nete dhe yje ne te bardhat

pagjumsi te mjellmave...

Freskia po lid neper gjethet e prillit

ashtu si nje diademe e ndricme

mbremjeve ne qiellin e pafundem

YOU NEVER WILL BEE ALONE

(Per  B....si premtim)

Une nuk bera asgje te tepert

Thjesht te mora

ashtu sic more ti te kaltren e qeshur nga detet,

kuqelimin e purpurt nga horizontet,

blerimin e lagesht nga luginat...

Te pashe e te rrembeva tek ajo dritherime valesh

qe i kthente fjalet mbrapsht

dhe i shtynte bregut si pina te hapura te zbrazeta...

Te mora si bashkudhetare stuhish,vetetimave,frikes dhe instiktit..

Prandaj sa here qe ditet i deboj mengjeseve

duke shtrenguar dhembet dhe zemren deri ne dhimbje,

Ti iken, humbet duke ngadhenjyer mbi pranine tende,

Dhe me le ne krahet e nje vetmie te mjergullt,te thekshme,

nje lumturie te heshtur, te shqetesuar, te paspjegueshme...

Hiperbolikisht te mistershme...

Megjithse

une nuk bera asgje me teper,

se ajo qe gjeta dhe imitova nga Ty...

NE S'ME KENI NJOHUR

Ua kam thene; Jam ky qe jam!

Shi i rrembyer ne nje mesdite te qete marsi,

Trill i shqetsuar prillit te ekzaltuar me hene te re,

Kopesht i blerte kujtimesh me trendafila maji,

Pranvere sublime mbi mermerin e ftohte te zemres...

A nuk ua thashe?! Ky jam...!

Nje breg i bardhe guackash miqsuar me diellin...

Nje cope deti veshur, grisur e arnuar me vale ...

Guve koralesh te kalter, bunace floriri ne muzg...

Eros flertesh nazike, dashurish adoleshentesh...

Qe ne emer me therrasin shkembenjve,

pa llogaritur te sotmen, as te nesermen...

Vere capkene floke krehur nga shiroka finoke e gushtit...

Pra ua thashe kush jam...

Nje re kryenece mbi vetullat e ngrysura te shtatorit...

Ere shtegetare qe i percjell shpendet

tej sinoreve melancolike te horizontit...

Dhe me rrebeshet e tetorit te lagesht, i ngop lumenjte...

Nje feshferime e trishtuar gjethesh te verdha,

ne gishtrinjte e mjergullt te nentori tim,

Vjeshte e druajtur,e matur, neteve lehona me yje...

Ua thashe ,ashtu jam...

Nje rreze dielli qe rreshqet e lumtur mbi deboren e pare ...

Nje urim -dhurate mbi yllin e ndricem te Krishtlindjeve...

Apostull shprese e gezimi ne castin e nderrimit te viteve,,,

Dimer i paket i heshtur,i ftohet ,hijendricuar

si ikone e vjeter shenjtoresh nga era e bizantit

qe i pagezoi te kater stinet e mija ne nje emer

me germen e pare te alfabetit..._A.......!!!!!

Dhe mos me thoni tani qe nuk ua thashe.....!!!!!

KOICIDENCE

Sa shume qe ngjasojme ne te dy!

Te gjeta mbeshtetur

nen nje strehez melancolie

te lodhur...

me veshtrimin e hutuar

ne bosh-in e mendimeve..

Capitesh e zvarre, apatike,

si rreke e cale uji ne humbetire...

Cuditerisht,

hamendja me terhoqi zbraztesise

u afrova,

i drojtur

dhe me fjale e gjeste te palidhura

te rrefeva vetmine time...

JO SOT NUK JAM I TRISHTUAR

               

Eci,

 eci,

 eci dhe cuditerisht erresohet...

thua se une  vendos  kur do bjere nata...

Ah jo, sonte nuk jam i trishtuar.

Kam qene i cudicem,capken  dhe studioz...

Mesova nga te gjitha, pak nga te gjitha...

Emrat e luleve kur vyshken ne acar

kur gjelberohen fjalet dhe kur  plevitosemi.

Se sa lehte rrotullohet brava e ndjenjave

me nje celes  cfardo te harreses...

Jo  miqte e mi, sonte nuk jam i trishtuar.

Kalova dite te ftohta  me shi

u struka prapa asaj rrjete te ujshme

me durim dhe pa u vene re fare,

si  dhimbja e pemeve

kur u  bie  gjethja e fundit

si frika e  femijes ne errsire.

Jo nene , sonte nuk jam i trishtuar...

Kalova neper kopshte,u ndala ne shatervane

dhe pashe shume statuja te qeshin

te shkujdesura pa shkak.

Pashe  dashuricka te vogla mburravece

qe dolen  si gjysemhene neteve te mija

 dhe shashtisa...

Pashe shume endrra te bukura

si muzgje te kaltra.

Dhe shume te tjera qe  i harrova...

Jo e dashur,  sonte nuk jam i trishtuar .

Eca shume stineve neper ndjenja,

 ne te mijat dhe te te tjereve,

dhe mbetej gjithmone  hapsire  midis tyre

qe te kaloje  lirshmerisht  koha.

Shkruajta letra dhe rishkruajta serisht

Mora  dhe kartpostale  te shkurtra

me pershendetje  nga San Martino

dhe "lamtumira"te dhimbshme nga brigje te largeta...

Jo vellezer,sonte  nuk jam i trishtuar qe po  thyhet dita.

Fola shume.Me njerzit,

me semaforet,me fotografite.

Dhe me shume fola me  vargjet.

Mesova te lexoj e te shtrengoj duar,

ashtu si dhe  te humbas e te braktis  duar.

Jo shoke ,sonte nuk jam i trishtuar.

Udhetova natyrisht.

Shkova  gjithandej udhekryqeve te botes...

Kudo e gatshme te mplaket dynjaja.

Humba  te dashur,shoke dhe miq...

humba nga kujdesi i tepert

dhe nga  pakujdesia humba.

Lundrova neper  dete

per tu marre bekimin.

Dhe ua mora....

Ju termba vetmise

dhe imagjinova njerez perreth.

I pashe te bien nga dora

e nje pluhuri te qete

qe ndiqte nje rreze dielli

dhe te tjere nga tingulli  nje kembane te paket.

Dhe u  bera tingull  ne ritme zilesh

qetesise  rituale  te meshave.

Jo Zoti im, sonte nuk jam i trishtuar.

I rezistova sa munda  ketij lumi te turbullt

qe te mos me rrembeje

 kur kishte shume uje,

dhe aq sa ishte e mundur

imagjinova ujin  ne  lumenjte e thate

e rrjedha  me rrembeu ...

me rrembeu rrjedha...

Jo zemra ime, sonte nuk jam i trishtuar!

Ne oren e sakte  ra edhe nata....!

SEC ESHTE NJE SHI BRENDA MEJE...

                     

Sec eshte nje shi brenda meje

qe bie,  bie ,bie papushim

nga rete e largeta te kujteses..

Sec eshte  nje det brenda  meje

qe valezon thelle e me  thelle,

mister i erret pafundesisht …

Dhe nje furtune  e papritur

ererash si kthetra shpendesh  te eger

qe me zemerim  cjerrin  e pergjakin

skutat e shpirtit tim pagan...

Nje furtune qe fashitet e  humbet

ne oshtimen e perjeteshme te detit

si psheretime lehtesuese e Poseidonit plak

qe  jeton  brenda meje...

HIRI

                                  

E vesha nje nate mantelin e kalter  te fantazise

te ndricem-perle

qe verbonte  pa  druajtje qiellin e gushtit...

Dhe dola te shetis  neper sinoret e ererave,

shtigjeve te henes...

Degjoja  melodite e  nates te ngjiten

nga thellesite  e kohrave

si rreke te fresketa burimesh mali...

Nota te  embla  shperndanin qiellit

fjalet e arta te nenes sime te ndjere

si  nje simfoni permalluese  mjellmash...

Shkelqime henore,yjesh  te panumurt

i veshen vegimet me heshtjen e argjente

ndersa nje  puhize  e lehte i mori me vehte

pafundesise se mistershme

duke lene  pas hirin e ftohte te  harreses...

NENE

                              

Nene

neteve te vetmuara

i prkulur mbi letra

qe me melan  te  nxija

ekzistencen time,

emrin tend asnjehere

 nuk e shkrova.

Te me falesh.

U mundova  te flas me guret

qe kembet me gjakosen,

fola me  shpresat e gjymtuara

nga  britmat dhimbjes

me  udhetaret e muzgut

por per ty nuk fola.

Te me falesh.

Nene,

e mira ime  e shenjte.

Ke shume kaltersi e paqe ne zemer,

ke miresine  dhe perjetesine  e qipariseve...

Ti

vetmitare nidis  hijesh te verbra

te  hutuara nga fluturimi i zogjve

qe  s'menojne te kendojne per ty

melodine e engjejve  ne parajse...

Nene

Kam vetem keto fjale 

te ti kushtoj

si shenje respekti,

si nje “Addio prgjithmone!”

e mira ime....

  NENE....

FRYMEMARRJE

                            

Nje  kor zerash-jehone fluturojne  drejt diellit

nje duzine zogjsh me sqepa germojne driten,

flatrat e ererave   grisin  me mani kaltersite

dhe lakuriqsia jote -arome e njelmet  deti.

Puthje te purpurta ne vithjet e horizontit

puthje  plot afsh kurmit tend te virgjer,

dhe nje varke  e  cveshur  paturpsisht  valeve

ne castin kur  gjinjte e tu te kolme me ftojne.

Rrekete e loteve  eren mbushin me psheretima

perroi i zerit tend  shushurin  tek  yjet e dremitura,

rretinat e heshtura te nates perkundin

 zgjimin e kthjellet te syve te tu te shkruar.

SHIU

Sa embelsisht bie shiu

si britem kenaqsie e natyres qe lahet,

si jehone kumbuese e deteve te shqetsuar,

si nje himn harrese jaseminesh lamtumire...

Sa  butesisht  rreshqet shiu

si rreke dhimbjeje nga  skutat  e shpirtit,

si buleza te fresketa mbi petalet e heshtjes

qe derdhet   me  shkulme denese

mbi dherat pjellore te endrrave...

Sa pikellues rigon ky  shi

si simfoni e trishtuar e stines,

si lote  deshperues nga qerpiket e neteve pagane

qe  dridherojne  ererave  ne vetmi

si endacake pa strehe,  pa dashuri

neper terr, neper shi...

DASHURI DHE DIELL

Ti je dielli  dashuror i lire, i forte

qe me ngroh dhe gjakun ma ndez

kur qielli i tere derdhet ne det.

Veshtrimi yt kthyer perjetesisht

drejt ishujve te arqipelagut te kalter

kerkon te  preke arterjet e yllesive.

Ti je  ngazellimi tokes, pragu i dites

vala e bregut, klorofili i pishave

dhe une  nje livadh i rrebeluar

me gjelberimin e nje  rinie te harlisur

dhe nje psheretime qe plekset flokeve e tu.

Rri perbri teje me duar te perflakura

duke thithur diellin mbi  fytyren tende

dhe te  peshperis ne gjuhen e lashte te amforave...

PASSION TE DY PERMASA

Me kot trishtohesh

buze muzgut te se shtunes.

Poshte kembeve te tua

kalonin yjet si kope peshqish

ne blu-ne e thelle me gjysem hene...

Me kot zgjohesh heret e zemeruar

mengjesit te vrejtur te se djeles

me fytyren e pergjumur

ne piken me te vranet se vete vransira...

Siper teje vesonin miliona therrime te arta dielli

te shndritshme si shi meteoresh...

E dashur qetesohu;

Tani te dua dyfish.

Te dashuroj ne dy permasa;

Si figure etruske

mistike,

e veshtire....

Si shenje ogurmire- peshku

te shndritshem ,

te lemuar,

si dashuria,

shtegeton udhes per tek une,

e shpejte,

nervoze,

e bukur,

me nje vale deti

ne fustanin e larme,

me ruaza te kaltra-topaz

te via “Santa Klara”rreth gushes...

Fytyre ujore-idhull

e prure si drite ylli

qe humbi nder shekuj...

Sa here degjoj ujrat qe rrjedhin

te kuptoj,

te ndjej

te imagjinoj,

pa cka se ti nuk e di....

Pas flokeve -ujvare

te lidhur gershet

me rrekete e kujtimeve,

shoh trupin tend te brishte

lugine e pafundme hiresh te pa shkelura...

Prek me gishtrinj gjinjte e tu te persosur

qe dridhen si bistake rrushi

te pjekur nga mushti i diellit...

dhe puthje pas puthje pershkoj

i mbrekulluar pafundesine e relievit tend,

brigjet e tua te ekzaltuara nga drita,

lumenjte e tu te rrembyera nga epshi,

pyjet e tu te virgjer,te hazdisura

nga ngazellimi e kenaqsia...

deri sa mberrita tek ky shteg buzesh,

mbi kete kurbe buzeqeshje-orgazme

si regetime, si britme

per te te thene;

“_Sei bella come una rosa notturno

nell cielo di sogni miei ....”

JESOLO LIDO

(Per S.O-kur u takuam rastesisht)

Ishte rastesi,

apo deshire e Zotit,

qe ne u takuam ate mesdite gushti,

perpara vitrinave tek piazza Mazzini,

ne Jesolo Lido dhe ora fiks 12 e 12!

E huaj me harten ne dore

sikur kerkon rrugen qe te solli tek une …

qe i nxire ,i lare me diell e det gushti ,

miqsor, kureshtar,afascinante,

con un'dialetto romanesco divertente...

te ftoj me veshtrimin prej furbo

Ty ,sexi, e bukur, e nxehte,

e bardhe si shkuma e valeve.

Me gjinjte gjysem te zhveshur

dhe me nje anglishte te cale...

sikur me flet ne gjuhe etruske

te vdekur shekuj me pare...

Tek ky memecllek fjalesh-heshtje,

veshtrimet folen perbukuri

dhe rrugen drejt zemres

rrufe-” colpo di fulmine”

e gjeten pa harte...

Se fjale s'nxe bukuria jote

s'vlejne komplimentat ne puthjet me afsh,

Vetem perqafime,dashuri ,puthje

i rrembyem njeri-tjetrit dite e nate...

Te mbeshtjelle me kaltersi dhe epsh

nga sqetullat ,deri tek thembrat exitoheshim

duke prekur pellembe per pellembe

misteret e nxehta te lakuriqsise tone...

Sepse nuk mund te pihet shqeto

nje trup joshes,i lemuar,i hijshem

pa pluskuar ne shkumen e spumantes,

pa u dehur neteve mekatare

me “Martini rosso”e”Red Label”

nen pastirma orgazme

te anglishtes tende te cale....